علق الإعلامي محمد موسى، على تصريحات الفنان محمد رمضان، عقب تكريمه من موريكس دور ، حول إهدائه التكريم لأعدائه مصدر شغفه وحماسه
وقال محمد موسى خلال تقديم برنامج "خط أحمر" على قناة الحدث اليوم، أعداء مين ياحماده هو أنت فاكر إن في حد معاديك .. دي أوهام عندك أنت بس لأن الحكاية هي واحد بيستفز الناس بدون داعي واحد عايز يغني بالعافية والناس مش متقبله ده فبعضهم بيعبر عن اعتراضه وده شئ صحي وطبيعي .
تابع، لكن أنك تحول الجمهور لأعداء فده في حد ذاته مصيبة سودا لأن الجمهور ده هو اللي عملك وصنعك كممثل وهو برضه اللي مش متقبل أنك تكون مغني لأنه مش شايف فيك موهبة الغنا أساسا ووكيل نقابة الموسيقيين قال أنه مش معترف بك كمغني وهي دي كل الحكاية فبلاش تشخصن الموضوعات وتختزلها في معارك شخصية مش موجودة غير في مخيلتك أنت بس وأنا واحد من الجمهور".
استكمل، ومن هنا وجاي لازم وأنا بقول أسمك أدلعك عشان أنت ليك أعداء كتير زي ما بتقول وضروري نطبطب عليك ونقولك أنت حبيبنا ياحمبوزة .. علي فكرة ده ولا تنمر ولا سخرية ده اسمه دلع".