قال الرئيس عبد الفتاح السيسي، متحدثًا إلى حضور المؤتمر الاقتصادي، والله العظيم انتم ما شايفين كرم ربنا قد إيه.. ففهمناها سليمان، الموانئ اللي باتكلم فيها دي بتاعتي، باقول لك ادخل معايا، قد نكون شاطرين في العقد أو مش شاطرين؛ لكن حقي تاخد الميناء بطريقتي.
وأضاف السيسي، خلال الجلسة الختامية للمؤتمر الاقتصادي مصر- 2022، اليوم الثلاثاء: في موضوع الكهرباء، الناس في أوروبا تعرف إن أنا في مصر بادِّي الكهرباء لـ17 مليون مشترك بأقل من نصف ثمنها، وبعدين تقول لي ساعدني، لو أقدر هساعد الكل، باحاول أخلي الموضوع بأكبر قدر مفيد للمستثمرين.
واستطرد الرئيس السيسي: الحاجة وخمسين ألف مدرسة دول، مفيش جنب المدرسة شباب يدخل ويساعد وزير التعليم، ويخش مع المجموعة ويساعد، ماهي المرتبات تعبانة، أيوة تعبانة، والله العظيم باكلمكم من قلبي، أقل من 10 آلاف جنيه لأي حد، مايعيش، هتقولي طب انت بتعمل ميناء بـ40 مليار جنيه.. لازم أكون متوازن، غيري أكل وشرب وسابها على الحديدة، المسار الحالي أكبر من أي حد، لازم أشتغل على كل قطاعات الدولة، حد يقول لي مهتم بالحديد والأسمنت، طب والبشر؟ مهتم بكله.
وتابع السيسي: حد يقول لك دول بيعملوا الجامعات الأهلية عشان يدوها للأغنياء، أنا باعمل مسار بتكلفة أقل عشان أحسِّن التعليم، باتخلَّص من القبح في كل شيء.