خرجت الفنانة فريدة سيف النصر عن صمتها لـ تدافع عن مسلسل «الضاحك الباكي»، عقب أن لقي عدة انتقادات، وكتبت فريدة سيف النصر عبر «فيس بوك»: "نجيب الريحاني.. لما الصحافة والمواقع تفتح عينك علي سؤال واحد إيه رأيك في الضاحك الباكي؟ والهجوم عليه.. وأسئلة غريبة هرد وأقول بالتفصيل.. اه بتفرج ده محمد فاضل يعني.. اللي اتشرفت بمسلسل الشارع الجديد معاه".
وتابعت: " ثانيا البطء والألوان والديكور والأداء.. مش فاهمة المقصود؟ يا أساتذة الأداء في الأربعينات كده البساطة والهدوء كده ظروفهم المعيشية كده وصح جدًا بل كنت اتمني يتصور أسود وابيض.. ونلون بعدين.. أنا شايفه لانه سيرة ذاتية يعني بينقل لك حياة كاملة حقيقية بلا فذلكة وتدخلات وابهارات بصرية واكشن.. في ايه ياجماعه؟ كل عمل له جو خاص به".
وأضافت: "وهجوم ليه هو احنا لسه شوفنا ربع العمل حتي يا ساتر يارب.. تعالوا نحب الخير لبعض الموت مش بعيد عن أي حد كبير أو صغير بلاش كده.. نحكم قدام شوية.. أعمال كتير بدأت قوية وحركات وابهار وخفتت وماتابعنهاش.. وأعمال بدأت بسيطة وشوية شوية شدت وعليت وفي أعمال حدث ولا حرج قمة هجومكم ينفع معاهم لكن لا أنتم مركزين هنا ماعرفش ليه؟ ياحبايبي مش كده والله يا أولاد ويا بنات خليكم منصفين وأصحاب أقلام شريفة.. اصبروا ماتبقوش محضرين السكاكين كده.. مفضوحة يعني الطريقة ليه كده.. لا حول ولاقوة الا بالله".
واختتمت: "وعلي فكرة عمرو عبد الجليل.. فجأة بقي الريحاني وعلشان أنا اقتنع وأصدق كـ ممثلة.. فـ لازم اقول له برافو قلعت عمرو وفرملته بمفرداته بره الاستديو ولبست نجيب أو لبسك شابووووووو. واصبروا عالذبح سموا الأول ياجزارين الفن".
