افتتح الرئيس عبد الفتاح السيسي، صباح اليوم الخميس، مدينة المنصورة الجديدة وجامعة المنصورة الجديدة، بالإضافة إلى تفقد قرية الحصص بمركز شربين، إحدى قرى مبادرة حياة كريمة قائلاً: "اللى بيتعمل في المنصورة الجديدة ليس اعتداء على الأراضى الزراعية في ظهير هذه المدينة.. لو فضل نمونا السكاني بالطريقة دي محدش هيقدر يحل المسألة وابقوا خلاص ارضوا بقى.. مافتكرش حد هيقدر يعمل أكتر من اللى إحنا بنعمله، والله ما حد هيقدر يعمل اللى إحنا بنعمله ده".
أضاف الرئيس السيسي، خلال افتتاح مدينة المنصورة الجديدة: "البلاد اللى زي حالتنا عاوزة واحدة من 3 حاجات يا إما صبر وعمل وشغل بس، وده مسار، نشوف نتايجه بعد سنين كتيرة، وتحديدا مش احنا ولكن الجيل اللى بعد كده، أو نسيب البلد دى تضيع مفيش فايدة لأن الموضوع فى الآخر هو حجم أموال وطاقة دولة، الطاقة دي يا قد الدولة يا أكبر منها يا أقل منها، وإذا كانت أقل منها يبقى فيه إحساس بالعوز، ولو قدها هتبقى الناس حاسة بالراحة، ولو أكتر هيبقا الإحساس بالرضا أكتر".
تساءل الرئيس السيسى: "يا ترى بالنمو السكاني على الموارد المتاحة عندنا هل في الأقل ولا في العام ولا فوق؟ إحنا فى الأقل، حد يقول طالما اقل خلينا بقا نقعد في العشش.. لا يا جماعة.
تابع الرئيس السيسى: "المسار التالت إن ربنا جابلنا موارد مش في الحسبان ومحدش بيخطط لبلده كده نقول مستنيين لما ربنا يوفقنا ويبعتلنا حاجة نورث يعني.. يا جماعة يا بتوع ربنا مش بتقعدوا بقالكم 50 سنة أنتوا بتظلموا الدعاء.. دعاء من غير عمل؟.. ربنا مبيعملش كده تعمل وتقول يا رب فربنا يوفقك..اقفل الكتاب واقعد ادعى وابقى هات 90% بقى.. بتظلموا العلاقة مع الله، بتقول هجيب وتقول ربنا هيرزقني محدش بينام من غير عشاء، لكن أنت مش هسيب على ظروفك".
أكمل: اللى إحنا بنعمله بتعمله شبكة طرق ليه؟ إيه الكبارى دي؟ ادونا ناكل لو معملتش كده هظلم الجيل ده والقادم والله..اذا منكتش البلد تتعاد والخطة الاستراتيجية من قبل انا ما أجى واللى قبلي يبقى احنا بنضيع البلد دي والناس والله العظيم احنا في خير ونعمة والحمد لله رب العالمين.. اوعوا تفتكروا إن ربنا سبحانه وتعالى والجهد اللى بنعمله جهد مخلص وأمين ومبدع بمنتهى القوة اللى ربنا بيعنا بيها كلنا اوعوا تفتكروا أن اللى بيعمل فى البلد دى".