كشف الفنان صبري عبد المنعم، تفاصيل تعرضه للنصب على يد أحد أصدقائه في الوسط الفني، وخسارته 1.9 مليون جنيه.
وقال صبري عبد المنعم خلال مداخلة هاتفية لبرنامج "ملفات" الذي تقدمه الإعلامية أميرة بدر على شاشة "هي": اللي نصب عليَّ واحد أعرفه من ١٠ سنين وبنقعد مع بعض، جيت قلت له عايز أبيع الشقة دي تحويشة 50 سنة شغل، وعشان عيالي ياخدوا الفلوس وعملت عملية لمدة شهرين في القلب وكنت تعبان وبيجي لي الزهايمر من حين لآخر".
واستكمل صبري عبد المنعم حديثه: "جالي بعدها بأسبوعين وقال لي جبت لك مشتري للشقة واديت له عقود الشقة، هو شخص من الوسط بس الكارير بتاعه غير، ومش هقدر أكشف شخصيته عشان في تحقيقات.. وأنا عمري ما خونت حد ولا عديت فلوس ورا حد".
وتابع: "نزلت معاهم البنك وكان الشيك بالدولار وقالوا لي اسأل بعد ٤٥ يوم، ورحت ولقيت التوكيل بتاع المشتري مكتوب باسم واحدة مش واحد اللي أنا مضيت عليه، ورحت معاهم وأنا في حالة مذرية وتعبان جدًّا، وما خدتش ولا جنيه".