علق مرتضى منصور على الشكوى التي تقدم بها لاعبو فريق اليد، إلى الاتحاد المصرى لكرة اليد، لفسخ تعاقدهم مع النادى بسبب عدم حصولهم على مستحقاتهم المتأخرة.
وقال فى المؤتمر الصحفى الذى عقده فى مقر النادى منذ قليل: لاعيبة اليد مستحملوش النادى فى ظروفة وأنتم مش أكبر من نادى الزمالك.
الزمالك ده نادي وصرح كبير، ده موظفين وعمال النادي استحملوا النادى شهر واتنين وثلاثة، علشان مفيش فلوس، لكن أنتم لا.
إحنا وافقنا على خروج لاعبى اليد لإعارات للخليج، لكن محدش فيهم قدر حاجة زى دى، واللاعب اللى مش هيقدر ظروف النادى يمشى.
مش هنتحايل على حد علشان يفضل فى الزمالك، موجهاً حديثه لحمادة عبد الباري مدير إداري الفريق بأن أى لاعب تقدم بشكوى يرحل فورًا.