كشف الفنان ياسر فرج عن رأيه في النجوم الذين تتحكم في الترشيحات قائلا: النجم وارد يقول للمخرج شايف فلان في الدور ده، لكن المخرج أو المنتج ليهم الحق في أنهم يقبلوا الترشيح أولا.
تابع خلال حواره مع الإعلامية إنجي هشام في برنامج المنسي عبر قناة هي:' مصادفتش إن فنان رفض ترشيحي مصادفتش موقف زي ده بس صادفت العكس وبعض الزملاء من ضمنهم امير كرارة وهو من النجوم المحترمين وصديق عزيز كان حابب كون معاه في عمل لكن الأمور مظبطتش ومقدرتش للأسف أشارك، لكن أتمنى أكون مع أمير كرارة وهو من الناس العزيزة على قلبي.
وأوضح قائلا:'أنا معنديش مشكلة مشتغلش تاني لكن عندي مشكلة إني أعمل حاجة وأنا مضايق مش هعرف استغلها حتى لو زميل عزيز زي كرارة أنا بشكره أنه فكر فيا لكن حسيت أن الدور مفيهوش إمكانيات.