وجهت الفنانة نشوى مصطفى رسالة تحفيزية للمصريين تدعوهم للصبر على ارتفاع سعر البنزين وقطع الكهرباء يوميا.
قالت نشوى مصطفى: " البنزين زاد لما العدو منع عنك تصدير الطاقة علشان يذلك ويكسرك ويهينك كمصري، المفروض أنت تقوله مش عاوز.. إيه يعني الكهرباء تقطع ساعتين تلاتة في اليوم، لأ اقطع 12 ساعة في اليوم بس أنا فوق العدو مش هيكسرني ومش هيذلني"، وذلك في تصريحاتها في برنامجها على قناة TEN.
وأضافت: الناس اللي بيقولوا الكهربا قاطعة بدال الساعة ساعتين، حتى لو قطعت 24 ساعة بس تبقى في بيتك متأمن مفيش عدو بره واقف ممكن يدخل يغتصب بنتك ومراتك ووالدتك، فالحمد لله نستحمل إحنا صحاب البلد دي ويا رب احميها واحرسها.
يذكر أن نشوى مصطفى شاركت في فيلم "شاومينج" مع بيومي فؤاد، صلاح عبدالله، أحمد سلطان، توني ماهر وغيرهم نخبة من النجوم.
الفيلم من تأليف أشرف حسني ومن إخراج شادي أبو شادي وتدور أحداث الفيلم قصص مجموعة من الشباب في مرحلة الثانوية العامة حيث يظهر الغش الإلكتروني بشكل كبير.