تزايد حالة الغضب بين «مواطني أبوصوير و زائريها» بسبب «الصرف الصحي»

الإسماعيلية _ أحمد حمدي   زادت حدة الغضب في الآونة الأخيرة في أبوصوير؛ بعد أن أصبحت شوارع مدينة أبوصوير «بركة»، و عجز المسئولين عن حل مشكلة الصرف الصحي منذ إنشاء المركز و المدينة. و يطالب المواطنين بضرورة إقالة القائمين على الشركة القابضة للمياه و الصرف الصحي بمحافظات القناة، و محاسبة رئيس مجلس و مدينة أبوصوير لتقاعسه عن حل الأزمة. يقول أحمد الليثي:  «بالنسبة لمدخل مدينة أبوصوير مفيش مسئول عدا عليه ؟؟ و لا بيمشي صحراوي ؟؟ هل حد شاف الصرف والمجاري والرائحة الكريهة و الطريق المتكسر من مياه المجاري اللي اتفحر لعمق نصف متر، و كمان من شهرين عديت و اليوم الوضع أكثر، و الأسفلت اتفحر لدرجة الخطورة علي السيارات المحملة و خصوصا النقل الثقيل تكاد تنقلب فوق السيارات الأخرى وتجعل حياة الناس عرضة للخطر؛ لان الحفر قبل مطب عالي و بعد المطب كمان بالعرض، أيضا البضائع اللي بتقع وتسقط وهي فلوس ناس وتروح في مياه المجاري بسبب الحفر الكبيرة بعرض كامل الطريق بسبب مياه المجاري ؟؟ والله العظيم عيب بصراحة . و تفاعل معه «أحمد ضيف» إبن أبوصوير  و نشر عبر حسابه على فيسبوك:  « ﻷ ...... بيركبو طيارات مش من مستواهم أنهم يعدو على بلد زي أبوصوير، ممكن حضرتك تسأل المحافظ أو السيد رئيس المجلس وموظفينه، أو رئيس الشركة القابضة.....  أنا عندي سؤال لكل دول، هو الكلام ده مش أسمه أهدار مال عام و مال مواطنين، و خطر على سلامة الناس، و أم أن الناس ملهاش لازمة، مجرد زيادات عندنا منهم كتير....». و تابع ضيف:  «أبوصوير مش الطرق فيها بس إلي بتنهار، الفساد بياكل فيها أكل، أحنا أهلها بدأت نفسيتنا تنهار، شوفو تعليقات الناس على منشور أستاذ احمد الليثي و كلهم مش من البلد بيقولو إيه، و الله العظيم عار على كل مسؤول داخل أبوصوير إلي بيحصل في عهدهم الكلام ده في الوقت إلي مصر كلها بتنظف و بتطور و أحنا لسه عايشين في المنظر ده».

[gallery type="slideshow" size="full" ids="173848,173849,173850,173851"]