نشر محمد مجدى أفشة لاعب فريق الأهلي رسالة الى الجمهور الأحمر عبر الاستورى الخاص به بموقع التواصل الأجتماعى إنستجرام عقب أنتقاله الى الاتحاد السكندري على سبيل الإعارة.
نص رسالة أفشة الى جمهور الأهلي
وجاء نص رسالة أفشة كالتالى" الرحلة فيها حاجات كثير حلوة عشناها مع بعض من افريقيا للدوري لبطولات العالم كور كثيرة راحت وجات واحدة لبست غيرت تاريخ كبير و واحدة قلشت طيرت فلوس كثير برضه كل ده مش مهم المهم ان عشت طول عمري محبوب ومتشال ع الراس من اعظم جمهور في الدنيا انا بسيط وبحب اكون سهل وواضح عايز اقولكم هتوحشوني جدا . اتمني میکنش وداع دائم يبقي مؤقت ل فترة قصيرة ارجع فيها زي الأول واكثر بحب جمهور الاهلي كثير . مش هقول مع السلامة هقول الي لقاء قريب تاني باذن الله جمهور الاهلي من كل قلبي شكرا علي الي فات وعلي الي جاي برضه".
وودّع محمد مجدي أفشة لاعب الأهلي، زملاءه بالفريق خلال مران الفريق اليوم الثلاثاء، بعدما انهى إجراءات إنتقاله لنادي الاتحاد السكندري خلال يناير الجاري على سبيل الإعارة لمدة 6 أشهر.