كتب: محمد الحمامي
كشف أحد الممرضين بمستشفى كفر سعد المركزي وفاة طفلة في الثالثة من عمرها جنائيا بعد محاولة والدتها ومعها سيدة أخرى استخراج تصريح دفن لها بزعم إصابتها بتشنجات أدت لوفاتها.
يقول الممرض في تحقيقات النيابة العامة " جالي اتنين ستات بعد المغرب وأنا كنت في الاستقبال واحدة منهم بتقولي بنتي ميته وعاوزة أعملها تصريح دفن بقولها هي فين قالتلي بره في التكتك قولتلها ماتت ازاي ردت وقالت اتشنجت وماتت من الظهر قولتلها يا سلام اتشنجت وماتت من الضهر ولسه جايه دلوقتي لما شكيت في كلامها قولتلها ارجعي ع الوحده بتعتك وهما يجيبو دكتور طالما ميته طبيعي زي ماحنا بنعمل مع أي حد ميت طبيعي طلعت برة شوية معرفش راحت فين ورجعت وأنا واقف مع أمين شرطة المستشفى لقيتها بتزعق وتقول لأمين الشرطة عاوزة أعمل تصريح دفن لطفلة ماتت وجايه ولفه البنت في ملايا رديت أنا على الأمين وقولت له البنت دي مشكوك فيها بتقول متشنجه وميته من الظهر وجايه بعد المغرب حاجة تخش العقل يعني وحتى لو الطفل اتشنج ممكن مجاش في وقتها ليه".
" الأمين خدهم وأنا مشيت روحت كلمته تاني الظاهر أن البنت راحت التلاجة والدكتور كشف عليها لقوا آثار ضرب على جسمها الأمين بصراحة احتفظ بأمها وراحت المركز ولسه الطب الشرعي جاي وبعد كده الله أعلم ما في الغيب".