شاهد|| انهيار الفنانة صابرين على الهواء بعد خلع الحجاب

كتب: محمد على

أثارت المفاجأة التي فجرتها الفنانة صابرين صدمة كبيرة ، حيث دخلت في نوبة بكاء ولم تتحمل الهجوم الكبير الذى القاه البعض عليها عقب إعلانها خلع الحجاب.

وقالت الفنانة صابرين فى مداخلة هاتفية مع عمرو أديب عبر برنامج الحكاية : أنا عمرى ما حد أتكلم عليا بكلمة وأنها لم تكن مرتدية الحجاب بل كانت محتشمة ، مضيفة أنها كانت تؤكد على ذلك طوال الوقت، وأوضحت أنها خلعت «التربونة» وليس الحجاب.

وتابعت باكية: «ربنا يكرمني وأبقى على قد مستوى الحجاب وأنا من غيره وعمومًا أنا قلعت التربونة مش الحجاب، وفيه فرق بينهم، وتعبت نفسيًا بسبب كلام الناس، ولما بعمل عمل يسيبوا العمل والدور، ويتكلموا عن الباروكة بتاعتي، أنا كنت مقسومة نصين، وفي حالة تناقض، وكنت بتشتم من الناس بالرغم إني طول عمري بعمل أدوار محترمة، وربيت أولادي تربية محترمة».

وأضافت صابرين : «إيه ذنب ولادى انهم يتشتموا من ناس معندهمش دين ولا أخلاق وكان فيه حرب عليا، ومحدش هيحاسبني إلا اللي خلقني، والله ما لونت شعري، وهو هو لما كنت عاملة التربونة»، وأكملت: «طوال الفترة اللي فاتت كنت تعبانة نفسيًا جدًا، وبعمل الأدوار وأنا مربوطة، سيبوني أتصالح مع نفسي، وخلعت التربونة عشان نفسي مش عشان الشغل».

وختمت: «لازم أقول للناس الدين أخلاق ومعاملة وكلمة حق حلوة وابتسامة في وجه أخيك، بيشتموني دي حاجة بيني وبين ربنا ولما أنزل القبر لوحدي محدش هيحاسبني غير اللي خلقني وربنا اللي هيحاسبني وليه محسسني إن ربنا هيمسكنا عشان حتة طرحة ده ربنا رحمن رحيم».

[embed]https://www.youtube.com/watch?v=p4KhP_f-fWE&feature=emb_logo[/embed]