أمير كرارة: «كمين شرطة وقَّفوني بسبب شنبي»

كتب: مدحت سالم علق الفنان أمير كرارة على مظهره الجديد بدون شنب، قائلًا: "دي كانت مفاجأة للناس كلها، ومابقوش عارفاني في الشارع وابتدِت تحصل لي حاجات مدايقاني نفسيًّا بسبب الشنب". وقال الفنان أمير كرارة، إنه عقب قيامه بحلق شنبه تعرض للعديد من المواقف المحرجة لدرجة أن البعض أصبح لا يعرفه. وأضاف كرارة خلال حواره مع فضائية "دي إم سي"، أمس الثلاثاء: "من بعد ما عملت مسلسل (كلبش) بأجزائه، أصبح محبوبا عن رجال الشرطة من ضباط وأمناء، ولما كنت بادخل أي كمين في الشارع كان كل حاجة تمام، وباطلّع الرخص، وتمام جدًّا. وسرد كرارة، موقف تعرض له من ضابط شرطة في أحد الأكمنة الذي أبدى انزعاجه الشديد من شكل أمير كرارة بسبب حلق شنبه؛ مرددا: «الضابط مش عارفني ووقفني بقى يسألني أنت مين وشغال إيه.. ولما عرف زعل جدا أني حلقت شنبي». وتابع كرارة: "كنت حزينًا وأنا باحلق شنبي، بس الفترة اللي جاية كنت باحضّر لمسلسل (الاختيار) وماكنتش عايز أحلق الشنب مرة واحدة، ابتديت أخفّفه عشان آخد على الشكل الجديد، ولحد النهارده مش عارف اتعود على شكلي؛ لأني عمري في حياتي ما حلقت ذقنِي بالموس، ومراتي اتخضّت لما شافتني حلقت والمفاجأة إن أنا نفسِي مش عارف أحلق".