رفضت الفنانة وفاء مكي الحديث عن تجربة دخولها السجن، خلال استضافتها في برنامج "نص الكلام"، الذي تقدمه الإعلامية راغدة شلهوب على قناة النهار، وأبدت وفاء مكي رغبتها في عدم التطرق لهذا الموضوع.
وقالت وفاء مكي: «تجربتي تفيد غيري أو متفيدش غيري كل واحد أدرى بنفسه، أنا هعلم الناس؟».
تابعت وفاء مكي: «في واحدة بتطلع على السوشيال ميديا، وتقول حنتكلم عن وفاء مكي عايشة ولا ميتة عشان تعمل تريند. أنا دلوقت اختلفت عن الأول، مبردش وبشتري دماغي».
واصلت وفاء مكي: «ابني بيدخل على يوتيوب وبيعرف، أنا مش قضية مخلة بالشرف، وبقول له متثقش في الكلام ده»، وأضافت وفاء مكي: «لو كنت مشيت على منهجي دلوقتي زمان كانت حاجات كتيرة إتغيرت في حياتي».
أكملت وفاء مكي: «ربما ربنا عمل كده لحكمة يعلمها، أنقذني من حاجة تانية، والإنسان مسير مش مخير ولا يخطو إلا بإذن الله».