حل النجم محمد صلاح نجم ليفربول الإنجليزي والمنتخب الوطني، ضيفا ببرنامج صاحبة السعادة، المذاع علي dmc
حيث قالت الإعلامية إسعاد يونس خلال حديثها له:
«مفيش حد فينا محلمش بالفانوس السحري، وإن الجن بتاع الفانوس هيحقق له الأحلام، كل واحد فينا كان بيحلم وهو صغير، أنا عن نفسي كنت بحلم بإني أكون أذكى واحدة في العالم، معرفش الحلم دة اتحقق ولا لا، وكنت بحلم إني أرسم فستان فيتحول لحقيقة».
وتابعت: «وإحنا بنحلم مش عارفين الحلم دة هيتحقق ولا لأ، هل إحنا عندنا القدرة إننا نحول الحلم لحقيقة، ولا لازم نستنى جن المصباح، لكن فيه واحد عمل كدة، فيه واحد حلم ومستناش الجني».
كما قالت: «حب يبقى شاطر وبقى أشطر واحد في مصر وفي العالم، حب يبقى مشهور فبقى أشهر واحد في مصر والعالم، حب يبقى موهوب فبقى أكتر واحد موهوب في مصر والعالم، محتاجش لجني، ولكن لمخه وقراراته وشخصيته يمرنها ويعملها كونترول عشان يقدر يوصلها للحلم اللي كان هو عارف وهو صغير إنه يقدر يحققه، مش بالجني ولكن بإيده، عشان كدة بقى اسمه محمد صلاح».
واستكملت حديثها: «مش محتاجة أقولك إني بحبك من قلبي، وبحبك كأم وجاية هنا بصفتي أم، أنا مش جايه اتكلم معاك، أنت في مرحلة بتدخل فيها في تاريخ مصر.. أنت مش مجرد لاعب كورة مشهور».
وينتظر الجمهور المصري متابعة حوار محمد صلاح، مع الإعلامية إسعاد يونس، والذي يذاع على حلقتين، يومي الخميس والجمعة، في التاسعة مساءً.
وسوف تذاع الحلقتان أيضًا على قناة «مصر الأولى» في نفس التوقيت. وسافرت إسعاد يونس إلى إنجلترا، لتسجيل الحوار مع محمد صلاح، وذلك قبل مشاركته مع المنتخب الوطني في بطولة كأس الأمم الأفريقية الكاميرون 2021، التي حصل فيها المنتخب الوطني على المركز الثاني بعد خسارته في المباراة النهائية أمام السنغال بنتيجة 4-2 بركلات الجزاء الترجيحية.
ويتحدث صلاح في البرنامج عن بعض الجوانب الجديدة في حياته الشخصية، وبدايته مع كرة القدم، وطقوسه قبل المباريات، ومستقبله مع ناديه الإنجليزي.