عبد الحفيظ: مفيش حاجة اسمها إلغاء الدورى

أكد سيد عبد الحفيظ، مدير الكرة بـ النادى الأهلى، أن فوز الشياطين الحمر على بيراميدز يعد خطوة كبيرة لتحقيق المارد الأحمر كأس مصر 2021.

جاء ذلك، فى تصريحات لقناة أون تايم سبورتس عقب مباراة الأهلى وبيراميدز، والتى انتهت بنتيجة 2 - 1 وأقيمت على استاد القاهرة الدولى.

وقال عبد الحفيظ: "نعانى فى بعض الأوقات من عديد من الغيابات، ولكن قائمة الأهلى تحتوى على لاعبين كبار وكلهم يملكون روح الأهلى، ومركزين جدا فى تحقيق لقب كأس مصر بعد فقدان الدورى الموسم الماضى، ومينفعش الأهلى ميكونش طرف فى بطولة السوبر المصرى".

وتابع: "الإخفاق فى الكأس يحرمك من السوبر كمان ودا مينفعش نهائى اسم الأهلى ميكونش موجود".

واستطرد مدير الكرة بـ الأهلى: "مفيش أى داعى إن الموسم يبقى مرتبط بالدورى بس لازم قائمة الدورى تبقى قائمة الكأس.. والتفكير فى إلغاء الدورى ده فكر فاسد.. اللى بيطالب ب إلغاء الدورى هو اللى اتخانق وحارب عشان كأس السنة اللى فاتت يكمل".