أنوشكا: لما ببقى رحيمة بالحيوانات ربنا بيفتحها فى وشى

قالت الفنانة أنوشكا، إنها عاشقة للحيوانات وتمتلك فى منزلها كلب وقطتين تقوم برعايتهم .

وأضافت خلال مشاركتها فى الفقرة الفنية لبرنامج "مساء dmc" مع الإعلامية إيمان الحصرى المذاع على قناة "dmc":" كنت مربية كلبة وقطتين وفاصلة بينهم عشان يعيشوا بسلام، ونفسى يتعودوا على بعض ويعيشوا سوا ".

تابعت :" معرفتى بالكلاب أنى كنت رايحة تصوير وسمعت صوت كلاب صغيرة بدون أم وكانوا جعانين، ولو أقدر أعمل حظيرة أجمع فيها كل الكلاب هعمل كده لأنى بحس أن المخلوقات الجميلة دى رحيمة وطيبة" .

تابعت :" الناس بتضحك علينا عشان بنقول الرحمة، مجرد أنك يكون فى رحمة فى الحيوان أكلتيه أو شربتيه، بعتبر دا أن ربنا فتحها فى وشى دا إحساسى، ومقدرش أفرض دا على الناس".

وخاطبت أولياء الأمور، قائلة :" الطفل اللى يتعلم يكون رحيم بكلب أو قطة لما يكبر هيكون رحيم بوالده ووالدته، و الرحمة لا تتجزأ، وطول ما أنت بصحتك، وطول ما أنت قاعد وسط أهلك أنت ملك ملوك العالم، ومتعرفش بكرة ولا بعده هيحصل إيه.. لو بتحب حد روح قوله بحبك متستناش الفرصة تجيلك".