كتب: على طه
"أنا شايف أننا نقوى الإعلام ولا نضعفه عشان أعرف أتصدى للقنوات إللى بره"، جاء هذا على لسان مصطفى بكرى فى برنامجه "حقائق وأسرار" المذاع على فضائية "صدى البلد" اليوم مساء الخميس.
وأضاف بكرى، " أنا شايف فتح مزيد من القنوات وليس إغلاق قنوات عشان أقول للناس إن الحرب الناعمة إللى بتستخدم فيها القوى الناعمة من برة عايزة بلدوزرات".
وواصل بكرى: " مش عايزة (الحرب) قناة واحدة ولا اثنين ولا ثلاثة ده أنا افتح منافذ .. محدش يزايد على الإعلاميين ولا وطنيتهم وحبهم للبلد"
وواصل بكرى مؤكدا: " الإعلاميون هم إللى لعبوا الدور الأساسى فى ثورة 30 يونيو ، كنا بنمشى فى الشوارع وبنصرخ ونتكلم بغض النظر من إللى هيحكم هذا البلد."
مضيفا : " بلدنا لازم تبقى قوية وواقفة وكلنا خلف قيادة واحدة، هوالسيسى ده مين ما أحنا إللى اخترناه وجبناه رئيس الدولة ، ومن ثم قدماه مشروع وطنى هذا المشروع الوطنى يمضى الى الأمام .. فيه معوقات ومشاكل وغضب .. فيه..فيه"
" إنما الخطاب الإعلامى لازم يكون خطاب وطنى ومسئول ونفتح منافذ إعلامية أكثر ونسيب الزهور تتفتح فى بستان الحرية."