تصدرت الفنانة مروة عبد المنعم "تريند" مواقع التواصل الاجتماعي خلال الساعات الماضية، بعد تصريحاتها -المثيرة للجدل- عن الحجاب..
وقالت الفنانة مروة عبدالمنعم في بودكاست «أمل غرايبة»: "أنا بتكلم مع ربنا وبقرأ رسايله وبفهم هو بيقولي إيه، اللي بيني وبين ربنا مش بالحجاب، وأنا هدخل الجنة برحمة ربنا وبالصلاة، وفي القبر هتسئل عن الصلاة".
وأضافت: "بنتي عندها 14 سنة ولما خلعت الحجاب الناس اتهمتني بالكفر وإني هدخل النار، قولت لبنتي انتي هتخلعي الحجاب بس بتعاندي عشان ما تطلعيش رجعتي في كلامك".
وتابعت: "أنا مؤمنة بالحجاب جدًا، لكن هل أنها هدخل الجنة بالحجاب ولا برحمة ربنا، بالصلاة ولا بالحجاب؟"، وأكملت: "يوم ما أنزل القبر سيكون سؤالي عن الصلاة".
وأشارت مروة عبدالمنعم إلى أنها تعرضت للتنمر بسبب فهم خاطئ للدين، قائلة: "الناس فاهمة الدين غلط، وفاهمين الدين مظهر وليس جوهر، وأنا عشت حالة بشعة من التنمر في موضوع حجاب بنتي، إزاي هي تتحجب وأنا أمها غير محجبة، يبقى أنا الشيطان الرجيم".
وأكملت: "بنتي فكت الحجاب، وطبيعي بنت عندها 14 سنة في تالتة إعدادي مكتئبة وعندها امتحانات، وكنت عارفة إنها حالة ستنتهي".